Información de Contacto

Información sobre min:

Inquedanzas

Toda a miña vida laboral estivo vencellada á xestión de proxectos locais: en funcións xerenciais e de promoción de diversos tipos de proxectos, cooperativas, sociedades limitadas e como autónomo.

As miñas preferencias, o tipo de proxectos cos que gosto de traballar, son os proxectos ligados ao territorio tanto no económico como no social ou cultural.

Formación

Partín dunha licenciatura en Comunicación (Publicidade e Relacións Públicas) que rematei no 1997. Despois, nese mesmo ano, comencei a miña vida profesional traballando en axencias de publicidade, e seguín formándome cun MBA e distintos estudios relacionados… E a cabeciña non para: Todos os días leo artigos ou libros, escoito podcast. A formación é constante nun sector que cambia tan rápido como este.

O que ofrezo

A experiencia acumulada é o que quero transmitir: Son xa máis de 20 anos – e compaxinando moitas veces co desenvolvemento de proxectos propios – que veño prestando servizos de comunicación a proxectos de sectores moi diversos: alimentacións, artesanías, hospedaxes, mobiliario, consumibles informáticos, restauración, asesorías, construcción, seguros, proxectos agrarios, actividades na natureza…

E veño do mundo da comunicación, pero a vida levoume cara á xestión. Xestionei cooperativas, sociedades limitadas e tamén vivín como autónomo. Hoxe levo 20 anos de traballo na xestión de empresas… Podo dicir que comprendo a realidade dun autónomo ou dunha PYME perfectamente: Os recursos son ‘limitados’, así que xa son moitos anos buscando sempre a inversión mínima para un rendemento máximo.

O resultado é o que podes ver nesta web: Servizos de comunicación e sevizos de xestión, específicamente adaptados ás estructuras das empresas que temos por aquí, polo territorio.