O que temos que facer cando recibimos Reseñas Negativas en Google

Varios clientes comentáronme estos días que reciben algunhas reseñas negativas en Google. É algo habitual. Teño sufrido varias veces o mal corpo que deixa que te fagan esto. Pero non hai que agobiarse. Expoño neste artigo unhas directrices simples co que penso que temos que facer nestas situacións desagradables.

Caso 1 .- Se pensamos que é Spam: Notificamos a Google.

A solución, se pensamos que é spam, consiste en notificar a Google. Esto o facemos ao “Marcar como inadecuado o comentario”.

Pero é difícil que Google califique como spam un contido que leva un comentario (máis probable que o faga cando se deixa a calificación e ningún texto). Tamén é difícil que Google califique como spam un comentario realizado por un “Local guide”…

Mentres esperamos a que Google responda… deberíamos tamén contestar cun comentario do tipo “non entendemos o motivo desta baixa valoración. Fastídianos bastante porque traballamos para ofrecer un bo servizo. Acabamos de notificar a Google porque parécenos que esto é spam“.

Caso 2.- Se é un comentario que non nos gusta: Contestar!!

É importante contestar a estas reseñas negativas, e mellor canto antes. Debemos explicar que nos preocupa a calidade do servizo que ofrecemos.

Todos fallamos, e seguro que en máis dunha ocasión.

Non temos que agobiarnos por unha mala reseña. O mellor é tratar de velo polo lado positivo: Temos diante é unha oportunidade para contarlle ao mundo que somos humanos e fallamos, pero nos preocupa a calidade do servizo que ofrecemos, e tratamos de mellorar cada día.

Un exemplo

Xestiono esta conta. Podedes botarlle un ollo á Ecotenda78 para ver como o imos levando:

https://g.page/ecotenda78?share

Pero non deberíades tardar un mes en contestar comentarios!!

Unha consideración personal sobre as reseñas negativas en Google

Cando recibimos un servizo pésimo e saímos cabreados, a reacción pode ser ir correndo a Google “a poñelos verdes”… Moi humano. Bueno vale…

Pero paréceme, por experiencia, que moitas veces non sabemos ou non podemos valorar as dificultades que implica realizar o servizo que nos están prestando. Xa non falo únicamente das dificultades técnicas do servizo en si, senon das dificultades ou circunstancias polas que poden estar atravesando as persoas que o levan a cabo.

Teño posto reseñas negativas en Google, pero hai anos. E estou en proceso de retiralas. Coido que deberíamos pararnos a darlle algo á cabeciña con este tema.

A min pareceríame ben que poidéramos describir o servizo que recibimos, para que calquera se poida facer unha idea do que pode esperar, pero paréceme peor o de poñerlle nota porque é unha simplificación excesiva de algo importante para as persoas que, co seu esforzo, están detrás do que alegremente xulgamos.

Ademáis, disfruto bastante de que esto das reseñas vaia perdendo credibilidade, aínda que polo de agora segue a condicionar bastante. Non gusto nada deste oligopolio dixital que vivimos: Ogallá foran xurdindo alternativas. Pero coido que toca esperar.