PPC Marketing

A Nova Publicidade: PPC Marketing

[google-translator]

Oiches falar do PPC Marketing? Falamos da mellor maneira, hoxe en día, de facer publicidade para PYMES, autónomos e proxectos ligados a un territorio.

Estamos a ver como hoxe vai reducíndose a inversión en prensa, radio e televisión. É a tendencia dos últimos anos. E pola contra, vai incrementándose a inversión nos novos medios publicitarios, que presentan grandes vantaxes das que imos falar neste artigo.

Os novos medios son buscadores como Google ou Bing, e tamen as distintas Redes Sociais, por exemplo. Cando nos anunciamos deste xeito, pagamos -normalmente- polos clicks que recibe o noso anuncio (Pay Per Click ou PPC).

Para as PYMES e proxectos locais, estos novos medios representan unha oportunidade para anunciarnos con inversións razonables, e cun ROI (Retorno da Inversión) excelente… Se o facemos ben!!!

Neste artigo imos tratar de botar algo de luz sobre todo esto!!

Entender a historia, o contexto actual, e cara a onde imos

Hai anos tiñamos opcións moi distintas ás que temos hoxe, e moito máis limitadas: Os medios impresos e as radios repartíanse o pastel dos ingresos publicitarios que proviñan do pequeno comercio. Outros medios, como a TV, xa non estaban normalmente ao alcance das PYMES.

– O declive dos medios tradicionais

O problema dos medios tradicionais (prensa, radio e televisión) é que son caros. Son caros de manter pola gran infraestructura que precisan para o seu funcionamento. En consecuencia, tamén son caros para o anunciante, e máis cando xurdiron tal cantidade de alternativas -máis precisas e rentables- para poder anunciarnos.

Hoxe non se nos ocorre pagar por insercións publicitarias nun periódico, xa que perderon lectores e as súas tarifas non baixaron demasiado. É, normalmente, unha inversión moi pouco rentable.

A radio pode ser aínda interesante, pero tamén están ahí as novas alternativas, coa posibilidade de publicar anuncios “radiofónicos” a través de plataformas de podcast, youtube, etc.

Por que van mellor os novos medios? Básicamente porque ofrecen ferramentas moi avanzadas para a segmentación, podemos localizar xeográficamente de forma moito máis precisa… e, sobre todo, porque permiten medir resultados.

– Os cambios nas Redes Sociais

O alcance orgánico das Redes Sociais é cada vez máis limitado.

É habitual o erro de pensar que o alcance orgánico das redes sociais (as persoas ás que chegamos cunha publicación, sen pagar nada) segue a ser o mesmo que o que nos ofrecían hai dez anos. É falso: As redes sociais reduciron enormemente este alcance orgánico… Eu teño xestionado contas de empresa con miles de seguidores no ano 2010, sen invertir nada. Hoxe sería imposible acadar aqueles resultados coas contas de empresa que xestiono sen pasar por caixa. Hoxe hai que pagar para promocionar as nosas publicacións e acadar unhas difusións semellantes ao que hai dez anos era de balde.

Ollo con esto!!!! Porque calquera proxecto local que pretenda promocionarse -únicamente- a través de publicacións nas redes sociais, sen pasar por caixa, pode estar cometendo un erro. Hoxe en día, a posibilidade de promoverse deste xeito so sería posible para proxectos con certas características, e sempre vainos requerir de moito -moito!- tempo.

Por explicalo con outras palabras: Non facemos publicidade coas publicacións orgánicas nas redes sociais. Únicamente chegamos aos nosos seguidores, a persoas que xa nos coñecían, e únicamente a unha pequena porcentaxe deles (un 5-10% normalmente cando falamos de contas de empresa, en función de diversos parámetros).

– Google anda detrás das PYMES ou proxectos locais

Nos últimos anos Google está consolidándose como unha importante canle publicitaria para todo tipo de proxectos locais. Parte de servizos gratuítos a través de GMB (Google My Bussines), donde configuramos a nosa ficha de empresa para aparecer nos directorios de Google, resultados de búsquedas (lo que se llama Local Pack) e Google Maps principalmente.

A gran fortaleza de Google é que se trata dun motor de búsquedas, donde os consumidores buscamos os produtos/servizos que necesitamos. Por esto é unha ferramenta potentísima para poder chegar a novos clientes hoxe en día.

Como funciona o PPC Márketing?

Descripción cutre, porque resumir aquí todo non cabe nin de coña: Pagamos polos clicks que a nosa publicidade recibe. Podemos -en Google sobre todo- configuralo para pagar polas visualizacións que recibimos, ou por algunha acción que realizan na nosa páxina web cando chegan a ela despois de facer un click na nosa publicidade… pero normalmente se configura para que paguemos polos clicks que o noso anuncio recibe.

Os clicks no noso anuncio deberían levar á unha “landing” (sección da nosa web creada específicamente para que as persoas que chegan a través do noso anuncio reciban a información que esperan sobre o noso produto/servizo) ou, no caso das redes sociais, tamén é habitual configurar os anuncios para que leven ao noso perfil na rede, cando buscamos incrementar o noso número de seguidores, pero tamén o podemos configurar para que leven a unha landing na nosa web.

Google ofrece dúas formas de anunciarse: search, para que aparezamos nas búsquedas que os usuarios realizan no seu buscador, e display, para aparecer en forma de banners ou anuncios publicitarios clásicos en páxinas de todo tipo asociadas co seu buscador… sabe o que buscamos recentemente e ofrece anuncios relacionados.

O das redes sociais é un mundo en si mesmo, e daría para escribir moitos artigos como este. Únicamente comentar que o binomio Facebook-Instagram acapara a meirande parte da inversión publicitaria en redes sociais, pero hai outras redes sociais… O importante é ir á rede na que está a nosa audiencia. E temos que saber que a presencia nas redes sociais implica un traballo de mantemento: a publicación periódica de contidos é obrigatoria, porque un perfil abandonado resta. Non suma. E cada rede ten o seu propio funcionamento, a súa idiosincrasia, que debemos dominar.

Pois se temos que pagar, donde nos anunciamos? Google ou redes sociais?

Depende. Non hai unha única resposta. Pero deberiamos ter moi en conta a diferencia máis importante que existen entre Google e as distintas Redes Sociais: a intencionalidade dos usuarios/as.

Empregamos as redes sociais no tempo de lecer. Non imos buscando máis que interaccións con amigos, coñecidos, e coa nosa contorna, en xeral. Pola contra, a Google acudimos cunha intencionalidade moi distinta, absolutamente práctica, que é a de atopar a información para solucionar algún problema ou necesidade.

En Google o proceso de compra está normalmente máis adiantado. Implica que, como norma xeral, deberíamos escoller Google para a nosa publicidade se o que buscamos son ventas. Google é aquí moito máis efectivo. As redes sociais (normalmente!!) son máis efectivas para traballar o “branding”, e que a nosa marca vaia sendo máis coñecida.

Outro aspecto importante que debemos valorar é a infraestructura que necesitamos: Se falamos de Redes Sociais -xa estamos a repetir- deberiamos dominar algunha rede social, a que empreguemos con frecuencia, de tal maneira que xa teñamos creada unha “comunidade” ou un grupo de seguidores. Se falamos de anunciarnos en Google, debemos ter estudiadas as “palabras clave” (esto da keyword research é un mundo) coas que se busca o produto/servizo que ofrecemos, e ter deseñada unha páxina específica, dentro da nosa web, para recibir as visitas que nos chegan a través dos clicks que se fan nos nosos anuncios. E dicer, debemos ter deseñado todo un proceso de compra.

Compensa este tipo de publicidade?

Moito, na miña modesta opinión.

Calquera que colla o periódico pode buscar anuncios… A ver cantos quedan de negocios locais. A ver en que se parece un periódico de agora a un periódico de hai 20 anos!!! Os novos medios arrasaron coa publicidade nos medios convencionais por varios motivos:

Permiten afinar enormemente o público ao que nos diriximos. Podemos “segmentar” cun enorme número de variables. Podemos selecionar audiencias moi concretas polas súas características físicas (idade, sexo, da miña aldea, da aldea veciña…) pero tamén estamos a empregar o que estas plataformas saben de nós, que é …cáseque todo.

É fácilmente medible. Temos doado o coñecer o resultado de calquera campaña que fagamos: número de likes, de novos seguidores, de visitas á nosa páxina, de solicitudes de información recibidas, de ventas da nosa tenda on-line… Sempre debemos establecer un obxectivo que é fácilmente medible. E ao crear unha landing na nosa web podemos saber moito das visitas que recibimos, de donde veñen e o que fan…

O ROI: É o Retorno da Inversión (Return on Investment), que medimos ao comparar a inversión que realizamos cos resultados obtidos. Aquí, se o sabemos facer, melloramos enormemente o que os medios convencionais ofrecen. Noutras palabras: Sae moitísimo máis rentable. Os novos medios permiten obter moito mellores resultados con menores inversións.

Consellos prácticos

Este artigo non é máis que un apunte breve sobre un tema bastante amplo, e que pode ser tan complexo como queiramos afondar nel. A publicidade, técnicamente, é unha acción de márketing. Noutras palabras: Detrás da publicidade PPC está o Márketing PPC, máis amplo e máis complexo.

Penso que como mínimo, para un promotor/a de PYME, dun proxecto local ou un autónomo, o PPC Márketing é un conceito que hoxe hai que coñecer, porque falamos de invertir o noso diñeiro. E dentro do noso plan de márketing deberíamos definir claramente o papel que debe xogar este tipo de publicidade Pay per Click.

Deixo varios consellos ou apuntes que deberíamos considerar:

Ter unha estratexia clara é fundamental: Cada proxecto é distinto. Non é o mesmo vender bolsos que mobles de oficina, por exemplo. Se quixéramos facer unha campaña co obxectivo de incrementar as nosas ventas os mobles de oficina os poñería en Google, sen dúbida, porque quen busque mobles de oficina en Google quere mercar xa, moi probablemente… Cumpre coa norma xeral neste caso. Pero cos bolsos non está tan claro: As redes sociais tamén funcionan ben cando buscamos ao “comprador compulsivo”,…

O deseño previo da campaña tamén é fundamental: Debemos establecer ben o que queremos facer cuns obxectivos medibles. Debemos comprender aos nosos clientes e cal é o proceso de compra. Existen diversos modelos, como o clásico AIDA (atención, interés, deseo, acción), que sirven para axudarnos a comprender o proceso na toma das decisións de compra. Debemos entender esto perfectamente, a forma de funcionar das persoas interesadas nos nosos produtos/servizos, para deseñar as nosas campañas correctamente, sempre encamiñadas a un obxectivo concreto en relación con algunha das fases da toma de decisión de compra.

– Podemos facelo nós mesmos ou será mellor contratar a un profesional? Depende de varios factores. O primeiro que temos que mirar é a inversión que queremos facer. Se queremos invertir moito sempre é preferible falar cun profesional. Tamén é importante a plataforma que queremos empregar… O que eu penso é que para redes sociais podemos facelo nós mesmos, se o que queremos é facer unha campaña de branding e ir gañando seguidores cun pequeno presuposto, por exemplo. Para anunciarse en Google correctamente hai que saber máis: Aquí é fundamental un estudio previo de palabras clave, e tamén imos necesitar unha “landing que convirta”… que funcione no sentido de conseguir resultados cando os visitantes, que levan unhas espectativas, aterrizan na nosa páxina. Anunciarse nos novos medios pode parecer doado, pero o máis doado é tirar o diñeiro!!!

E ti que opinas?

Interésame escoitar opinións e experiencias sobre este tema.

E para calquera dúbida podes contactarme. Se podo axudar estarei encantado!! laughing

Información e Contacto:

Tel. 675 89 01 63

info@xan-martinez.com

Pol. de Bergondo. 15165 A Coruña

En toda Galicia:

A Coruña, Lugo, Ourense e Pontevedra.

Outras zonas, consultar.

Solicitar un Presuposto
Podes escribir unhas palabras sobre o que necesitas!!

Non se comparten datos con terceiros: Únicamente se empregan cos fines comerciais relacionados (creación de ficha de cliente e o envío de información comercial). Máis información na páxina de Política de Privacidade.

Outras Entradas de Interese

Pack Emprendemento

Pack Emprendemento

Se estás a iniciar un proxecto comercial ou queres mellorar o que xa tes, esto pode ser do teu interese. Trátase dunha solución que integra todo o que unha PYME ou autónomo necesita para, na práctica, botar a andar cun proxecto: visibilidade e un sistema de xestión, e...

read more
A importancia dunha páxina web para proxectos locais

A importancia dunha páxina web para proxectos locais

Se estás dirixindo unha tenda na que ofreces produtos ou servizos, se xestionas calquera tipo de proxecto local, é posible que estés a preguntarte se é realmente necesario contar cun sitio web.A resposta rápida: si que o é. Ter un sitio web é fundamental para calquera...

read more

Información e Contacto:

Tel. 675 89 01 63

info@xan-martinez.com

Pol. de Bergondo. 15165 A Coruña

En toda Galicia:

A Coruña, Lugo, Ourense e Pontevedra.

Outras zonas, consultar.

Solicitar un Presuposto
Podes escribir unhas palabras sobre o que necesitas!!

Non se comparten datos con terceiros: Únicamente se empregan cos fines comerciais relacionados (creación de ficha de cliente e o envío de información comercial). Máis información na páxina de Política de Privacidade.