Consello para PYMES: Unha web gratuíta é mala opción
Neste artigo imos explicar varios motivos polos que unha web gratuíta é mala opción. E non podemos decir que non teñan a súa utilidade: poden cumprir para un bloguero aficionado, para un particular… Pero escribimos aquí para PYMES, autónomos, asociacións, etc. Se falamos dun proxecto ao que destinamos recursos, no que traballamos para que medre e se consolide coa intención de gañarnos a vida, entón é mellor fuxir deste tipo de solucións que parecen de balde.
Que é unha web gratuíta?
Falamos de servicios de publicación de contidos polos que non pagamos.
Poñemos varios exemplos:
– Constructores gratuítos como wordpress.com, blogger.com, Wix ou Weebly, entre moitos outros.
– Sistemas de aloxamento gratuíto, como algúns que existen para wordpress e outros sistemas.
Que non son webs gratuítas?
Non falamos de webs gratuítas cando empregamos sistemas open-source polos que non pagamos, como wordpress, drupal, joomla, etc, que instalamos nun servidor propio, polo que si pagamos. Estas solucións non son gratuítas: pagamos por un hosting -un espacio nun disco duro no que gardamos os arquivos que conforman, por exemplo, a nosa web- que debería ser de calidade para garantir a accesibilidade desde calquera lugar do mundo a través de internet.
Motivos polos que unha web gratuíta é mala opción
Poden ser unhas mellor que outras, pero a tendencia é esta… tenden a ser malas.
Van aquí os motivos:
Baixo Rendemento
As páxinas gratuítas teden a ser lentas. Tardan en cargar, e este é un factor que afecta enormemente ao SEO (a visibilidade da páxina en buscadores) e, o que aínda é peor, á experiencia do usuario.
Escalabilidade
hai un grave problema de escalabilidade en dous sentidos: dunha banda, é importante ampliar a capacidade do hosting a medida que a nosa páxina crece. Iremos tendo máis usuarios, máis visitas, e os requisitos do sistema tenden a medrar.
Doutra banda, iremos precisando unha adaptación á actividade do noso proxecto. Os sistemas gratuítos non teñen a versatilidade, neste sentido, que pode ter un sistema como é por exemplo wordpress.
Funcionalidades limitadas
Esta limitación, dependendo de cada web gratuíta, afecta normalmente á capacidade para adaptar estéticamente a páxina web; ás limitacións coas que nos atopamos para crear, escalar e xestionar unha tenda on-line; ou ás limitacións que atopamos nas ferramentas para xestionar o SEO.
Dominio Propio
Un dominio propio é barato. E o máis importante é que transmite confianza.Non é o mesmo un dominio do tipo omeuproxecto.com que omeuproxecto.blogger.com, por exemplo…
Control Limitado
Este problema pode ser mais ou menos grave: pode ir desde a falta de datos de análise (importantes para medir o funcionamento do sitio e tomar decisións) ata a dificultade para migrar a outra plataforma ou, incluso -no peor dos casos- que decidan suspendernos a web e que quedemos sen nada, e sen que teñamos moita marxe de maniobra.
En realidade non son gratuítas
Unha web gratuíta en realidade non é gratuíta. O negocio ten que estar nalgures… Normalmente ven por dúas vías: ou ben insertan anuncios na nosa páxina (que non poderemos controlar demasiado), ou ben a plataforma vende os nosos datos.
Poderiamos decir aínda máis motivos… Coido que estos xa son suficientes. Tamén compre decir que non toda a oferta de sistemas que ofrecen unha web gratuíta fallan en todo o que aquí decimos: Os hai que salvan un ou dous dos problemas que mencionamos, pero non chegan nunca a ofrecer as posibilidades dun sistema «de verdade», como wordpress por exemplo.
Tamén hai que explicar outra vez -para que quede ben claro- que un sistema gratuíto de publicación on-line pode ter o seu lugar: desde o meu punto de vista pode ser axeitado para un blogueiro aficionado, por exemplo.
Pero aquí escribimos para PYMES, autónomos e proxectos locais, e desde este punto de vista o emprego dun sistema gratuíto non é conveniente… malia que nas páxinas de calquera destes sistemas nos digan que todo é maravilloso.
Para quen queira contrastar ou ampliar deixo algúns enlaces a páxinas que veñen decir o mesmo que eu comento neste artigo:
https://www.marketingandweb.es/marketing/crear-una-pagina-web-gratis-o-un-blog/
https://www.despachotres.com/blog/pagina-web-gratis/
https://www.elegantthemes.com/blog/wordpress/reasons-free-websites-are-bad
Necesitas Axuda co teu Proxecto?
Pedir Presuposto
Podes empregar este formulario para pedir un presuposto.
Non hai tratamento automatizado. 
Responderase o antes posible!!
Información de Contacto:
Información de Contacto:
Non se comparten datos con terceiros: Únicamente se empregan cos fines comerciais relacionados (creación de ficha de cliente e o envío de información comercial).
Máis información na páxina de Política de Privacidade.
