A xestión da comunicación en proxectos locais: o exemplo da Ecotenda78
Ecotenda78 é un exemplo completo do meu traballo: É un proxecto familiar e adícolle a metade do meu tempo. Pero en casa do ferreiro… Teño que estar a moitas outras cousas, como calquera persoa que atenda un proxecto destas características, e o que máis domino vai sendo o que queda moitas veces sen facer: a páxina sen optimizar en moitos aspectos, o blog sen a aención que precisa, as fotos, etc, etc, etc.
O problema é que funciona!!! 
E como funciona boto máis tempo preparando pedidos para que a xente leve os produtos do que lle podo adicar a optimizar a páxina… O que a primeira vista se pode ver.
Unhas liñas sobre o proxecto
Ecotenda78 é un proxecto local, adicado á comercialización de produtos ecolóxicos, desde o que buscamos promover os produtos que, ademáis de ser ecolóxicos, son locais: Queremos poñer en valor o produto ecolóxicos de proximidade. É un proxecto familiar no que Olaia, a miña compañeira, está ao frente. Ela leva, coa a axuda das persoas que ten contratadas, a xestión de proveedores e da tenda física. Eu boto unha man levando a cabo as tarefas das que falo máis abaixo neste artigo.
Para min non é o primeiro proxecto deste tipo: Levo máis de 20 anos traballando en proxectos relacionados con este sector, vocacional para min. E ademáis, durante a miña vida profesional tamén traballei en empresas doutros sectores (axencias de publicidade, impresión, mobiliario…) sempre en postos relacionados coa xestión da comunicación.
A experiencia acumulada, ao longo de máis de vinte anos vencellados á pequena empresa, é o que me anima a ofrecer os meus coñecementos a outros proxectos locais.
Do que quería falar aquí é da xestión de recursos escasos e, polo tanto, de prioridades: A xestión da comunicación é sempre un tema delicado cando falamos de proxectos locais (PYMES, autónomos,…), pequenos proxectos que normalmente non navegan con demasiadas persoas no barco e, os tripulantes, sexan patróns ou mariñeiros, temos xa tarefas asignadas no día a día. Xa estamos ocupados con tarefas urxentes, imprescindibles para manter o rumbo e, incluso, que o proxecto non vaia a pique.
A comunicación é sempre importante, pero poucas veces urxente: difundir o que facemos é imprescindible porque necesitamos clientes. Sen que a nosa contorna se entere do que facemos non podemos sobrevivir. Pero é unha tarefa importante que vai quedando relegada, porque hai sempre outras tarefas máis urxentes… Como o facemos?
Unhas liñas sobre o conceito de escasez
A escasez de recursos é algo habitual en proxectos locais (PYMES, autónomos, etc) que temos unha dimensión reducida. A escasez ten dous aspectos que compre diferenciar:
– Escasez económica: Non podemos permitirnos contratar ao mellor equipo de expertos para que nos faga cada día o traballo perfecto.
– Escasez de tempo: No traballo temos que facer mil cousas distintas e, ademáis, despois do traballo deberíamos poder vivir… algo.
A escasez económica e de tempo van unidas. Se non podemos contratar -pola escasez económica- para desenvolver certas tarefas, temos entón que realizalas nós, cos recursos cos que xa contamos, e tiramos do noso tempo xenerando unha maior escasez de tempo.
Choramos?
Pois non me parece que sexa para chorar, porque non é tan malo. Ten o seu lado bo, como todo: deberíamos saber ser máis adaptables, rápidos en transformarnos diante dos cambios. E tamén deberíamos saber reducir os riscos económicos… saber caer non desde moi alto. Pero estos temas escapan á finalidade deste artigo. Do que quero falar aquí é da escasez, e de como adaptarnos a ela.
O que fago como exemplo: Ecotenda78
O meu traballo non é perfecto: o poño como exemplo, precisamente, da imperfección que debemos asumir. Xa adianto parte da conclusión deste artigo.
Explico brevemente en que consiste o meu traballo na Ecotenda78.
Se visitamos a páxina da Ecotenda78, o que imos atopar a primeira vista é:
– Unha páxina web, que inclúe
– Un blog no que imos colgando novas periódicamente.
– Unha tenda on-line que actualmente ten uns 3.000 produtos publicados.
Pero detrás do que se pode ver a primeira vista hai moito máis:
– Un programa de xestión CRM/ERP desde o que se leva toda a xestión (finaciera, comercial, almacéns/stocks, etc, etc). Sincronicei este programa coa tenda on-line de maneira que automáticamente actualiza os nomes de produtos, referencias de produtos, prezos e existencias. Doutro xeito sería inviable.
– Redes Socias en Facebook e Instagram.
– Bases de datos que temos que actualizar constantemente. As empregamos para comunicarnos cos nosos clientes a través de correo electrónico e whatsapp (protección de datos, etc). Todas as semanas enviamos información de interese.
Xestionando o «pack Ecotenda78» en catro/seis horas semanais!!!
Adícolle á Ecotenda78 non máis de media xornada. Pero a meirande parte deste tempo xa está ocupado por outras tarefas:
– Teño que encargarme de ir actualizando todos os produtos que van entrando: incorporación de novidades e descatalogacións, e cambios nos produtos (prezos, códigos de barras, cambios de referencias). Os prezos cambian todas as semanas en moitos dos máis de 80 proveedores…
– Ademáis, nos últimos tempos multiplicouse o traballo na xestión de pedidos on-line: recepción, xestión, preparación e envío de pedidos.
Que tempo me queda para poder adicar á promoción do proxecto??? Catro/seis horas semanais. E o que teño que facer cada semana nestas catro/seis horas inclúe a actualización dalgunha sección web (categorización de produtos e engadir as fotos que faltan), publicación en redes sociais (como mínimo dun post semanal… pouco, pero eche o que hai), a actualización de bases de datos, o envío de información aos/ás clientes por mail e por whatsapp,… Vou sacando o tempo para, cada dúas semanas, publicar algún post no blog con contidos relacionados coa actividade dos produtores cos que traballamos, ou para explicar en profundidade temas relacionados cos produtos que comercializamos (explicar o problema dos edulcorantes ou o tema dos protectores solares, por exemplo).
Son consciente dos moitos erros que temos no proxecto da Ecotenda78, que van desde a ausencia de fotos en centos de produtos publicados na tenda on-line a temas máis técnicos, de servidor e de configuracións do sistema. O importante é que funciona, e que cumple a función que ten que cumplir: Mantemos informados aos nosos clientes; chegamos a novos clientes; vendemos on-line… Sabemos que poderíamos facelo mellor, e un ollo está posto sempre en novas melloras que valoramos implantar.
Connection, not perfection!!
Un podcast que escoitaba hai tempo para lembrar o meu inglés decía esa frase na entrada de cada capítulo. Temos que pensar que a perfección pode ser posible, pero moitas veces non é o aconsellable. A perfección require duns custos excesivos, ben económicos ou ben en tempo.
Se partimos de que asumimos a nosa imperfección, coido que podemos mellorar a nosa comunicación cunha serie de accións ou premisas básicas:
– Autoevaluación de capacidades: Debemos definir o que podemos internalizar e o que non. Debemos tamén identificar donde están as nosas carencias. O que está en negrita no apartado anterior son as tarefas que debemos realizar (escribín outro post donde o explico polo miudo) Podemos asumilo?
– Debemos establecer uns obxectivos, para despois priorizar correctamente. A mellora vai ser aquí sempre posible.
– Formación constante no que asumimos: Se falamos de comunicación, debemos estar dispostos a non deixar de aprender. Vivimos nunha sociedade cambiante, e todo varía a gran velocidade. Aparecen novos medios e novas técnicas que debemos coñecer.
– Externalizar: Con caseque total certeza, non poderemos asumir todas as acción de comunicación que nos gustaría levar a cabo. Debemos atender á finalidade do noso proxecto. Busquemos a axuda de quen poida completar o que facemos, pero que o faga desde o punto de vista da realidade do noso proxecto (…falamos? )
Necesitas Axuda co teu Proxecto?
Aquí publico información sobre un paquete básico para un proxecto local!!
Estructura Básica para Márketing Local
Desde 400€
Esto é unha oferta básica con todo necesario para unha empresa ou proxecto local bote a andar, no que a márketing se refire. A partires de aquí pódense facer melloras, pero en función das necesidades de cada proxecto.
Partimos dunha análise básica do proxecto, para deixar por escrito un documento no que se recollen as accións a realizar. Cada proxecto é único, e require de accións específicas.
Configúranse aspectos esenciais, como son a alta e optimización da nosa ficha nos directorios de Google (o que vai posibilitar que aparezamos correctamente tanto nas búsquedas orgánicas como en Google Maps), e unha páxina web que, ademáis de constituir o escaparate on-line do noso proxecto, é fundamental para asegurar a presencia nos primeiros lugares dos resultados, no momento en que calquera persoa realice unha búsqueda relacionada co produto ou servizo que ofrecemos.
A páxina web realízase sobre WordPress, o sistema máis contrastado e empregado do mundo, que permite infinitas posibilidades de adaptación ás necesidades do noso proxecto. É un sistema que permite unha total escalabilidade, que permite ir medrando a medida que o requiran as nosas necesidades: podemos incorporar desde un blog (opcional, xa incluído no prezo) ata unha completa tenda on-line avanzada ou diversas solucións de comunicación (mail-márketing, formularios, alertas, etc, etc).
Na instalación de wordpress inclúese o tema premium DIVI, unha solución que permite a creación de contidos atractivos, con animacións, efectos, etc, sen necesidade de saber programación.
E formación contínua!! porque, se falamos de márketing, falamos de técnicas que evolucionan rápidamente, todos os días, e van aparecendo constantemente novas solucións e alternativas que poden ser interesantes ou darnos ideas para a promoción do noso proxecto.
– Auditoría previa
Análise básica da situación do proxecto e do entorno: Temos que facer varias preguntas para identificar as necesidades.
– Definición das liñas dun Plan de Márketing
Plasmación, por escrito, das liñas maestras a partires das que se van desenvolver as accións de márketing que se consideren oportunas.
– Configuración GMB
Optimización básica de ficha de Google My Business para a visibilidade do proxecto en buscadores e Google Maps.
– Dominio e Hosting*
Dominio .com, .es, etc, e hosting de alta calidade (espacio no que se almacenan os arquivos que constitúen unha web ou outros sistemas accesibles a tavés de internet) en VPS dedicado.
– Correo Electrónico*
Correo electrónico profesional. Ata 100 contas.
Exemplo: info@miñaempresa.com
– Creación de Páxina Web Premium optimizada
Páxina web coas seccións básicas: Portada, Produtos/Servizos, Blog (opcional), Contacto. Optimizada a medida das necesidades de cada proxecto. Inclúe tema DIVI (valorado en80€/anualmente)
– Formación contínua
Aceso a contidos de formación contínua, á medida das necesidades de cada proxecto.
* Dominio, hosting e correo electrónico son servizos anuais. O prezo é variable: para o hosting de calidade que recomendamos anda sobre os 100€/ano.
Pedir Presuposto
Podes empregar este formulario para pedir un presuposto.
Non hai tratamento automatizado.
Responderase o antes posible!!
Información de Contacto:
Información de Contacto:
Non se comparten datos con terceiros: Únicamente se empregan cos fines comerciais relacionados (creación de ficha de cliente e o envío de información comercial).
Máis información na páxina de Política de Privacidade.
